Татарстан Республикасы Рәисе Рөстәм Миңнеханов «Ак Барс» командасы белән очрашты

Бүген Татарстан Республикасы Рәисе Рөстәм Миңнеханов «Ак Барс» командасы вәкилләре белән очрашты. Яңа сезонга максатлар билгеләнде, бурычлар куелды, дип хәбәр итә клуб матбугат хезмәте. 

Җыелышта «Татнефть» генераль директоры һәм «Ак Барс» президенты Наил Маганов, ТР спорт министрының беренче урынбасары Хәлил Шәйхетдинов, клубның башкарма директоры Мансур Усманов һәм генераль менеджер Марат Вәлиуллин та катнашкан.

Команданың һөҗүмчесе Дмитрий Яшкин ТР Рәисенә клуб киемнәренең яңа коллекциясен бүләк иткән.

Фото: ak-bars.ru