ТНВда туры трансляция: "Металлург" - "Ак Барс"

Бүген, 27 сентябрьдә, Казанның "Ак Барс" хоккей клубы "Металлург" белән Фонбет КХЛ чемпионатының даими матчында очрашачак.

Уен Магнитогорскта 17:00 сәгатьтә башланачак. ТНВ каналы матчны туры трансляциядә күрсәтәчәк.

Хуҗалар соңгы уенда "Спартак"ка 3:4 оттырды, ә "барс"лар кунакта "Лада"ны 4:3 җиңде.

«Металлург» уенга сакчы Артем Минулиннан башка әзерләнде, «Ак Барс»та җәрәхәтләнүчеләр юк.

Фото: "Ак Барс"