Кичәге ике хоккейчы үлеме турында нәрсә билгеле?

Татарстанда бер тәүлек эчендә ике хоккейчы үлгән. 

 Икесе дә профессионал түгел, спорт белән һәвәскәр буларак кына шөгыльләнгәннәр. Азнакай районында 11 яшьлек малайның, Казанда 53 яшьлек ирнең гомере өзелә.

Бала хоккей уйнаганнан соң үзен начар хис итә башлаган, күрше йорттагы әбисе янында җан бирә. Ир кешенең хоккей матчы барган вакытта - запаста утыручылар эскәмиясендә хәле начарлана. Аның гомере өчен 40 минут буе көрәшсәләр дә - нәтиҗәсе булмый.