Чаңгы чемпионатының бүгенге көн нәтиҗәләре нинди?

Татарстанның чаңгычы егетләре алтын һәм көмеш медаль яулады, кызлар арасында Дарья Непряева 3нче урынга лаек булды. Казанда узучы Россия чемпионатының 6нчы көне шундый нәтиҗәләр белән төгәлләнде. Бүген Җиңүнең 80 еллыгы уңаеннан да ярышлар үткәрделәр. 

Анда Олимпия чемпионнары белән берлектә спорт мәктәпләрендә тәрбияләнүче егет-кызлар катнашты. Исегезгә төшерәбез, Россия Чемпионаты Татарстан тарихында беренче тапкыр безнең Республикада-Казанда уза. Мирный бистәсендәге чаңгы-биатлон базасында 180 спортчы җыелган иде. Алар бүген ирекле стильдә ярышты.