Казанның "Стрела Ак барс" клубы Россия Кубогына ия булды

Казанның "Стрела Ак барс" клубы Республикада регби уенын яратучыларга бүләк ясады. Кичә алар икенче тапкыр Россия Кубогына ия булды. 

Мәскәүдәге ярышта 13кә 7 исәбе белән Пенза Локомотивын тар-мар иттеләр. 

Аларга Республика Рәисе тәбрикләвен җиткерде. Ул социаль сәхифәсендә "Горурланабыз!" - дип язган. ТНВ хәбәрчеләре узган төнлә спортчыларны аэропортта каршы алды.