"Ак Барс" - "Барыс": ТНВда туры трансляция

Бүген "Ак Барс" үз бозында Казахстаннан килгән "Барыс" хоккей клубын кабул итә. "Татнефть Арена"да узачак матч 19:00 сәгатьтә башлана.

Даими чемпионатның соңгы уенында "Ак Барс" "Амур"ны 3:1 җиңде, ә "Барыс" Новосибирскта "Сибирь"га 0:1(Б) оттырды. 

25 сентябрьдә командалар Астанада очраштылар, "Ак Барс" 2:1 исәбе белән көчлерәк иде.

"ТНВ-Татарстан" һәм "ТНВ-Планета" каналы матчны туры трансляциядә күрсәтә. 

Фото: ak-bars.ru