Казан Кремлендә Рөстәм Миңнеханов Татарстанның регби буенча "Стрела-Ак Барс" командасын бүләкләде

Республика спорты өчен истәлекле көн. Кичә Казан Кремлендә Рөстәм Миңнеханов - Татарстанның регби буенча "Стрела-Ак Барс" командасын кабул итте. 

Узган якшәмбе алар үз тарихында тәүге тапкыр Россия чемпионы булды. Шулай ук спортчылар әлеге сезонда республикага Россия Суперкубогын һәм Россия Кубогын алып кайтты. Өчләтә җиңүгә ирешкән команданың казанышлары турында Эльмира Имамиева сөйли.