Әнвәр Гатиятулин һәм Тимур Билялов "Ак Барс" өчен җан атучы 96 яшьлек Гайшә Солтановада кунакта булганнар

Казанның "Ак Барс" хоккей клубы өчен шәһәрдә яшәүче 96 яшьлек Гайшә Солтанова җан ата икән. 

Гайшә Ярулла кызы һәр уенны карый, барлык нәтиҗәләрне язып бара һәм бигрәк тә Әнвәр Гатиятулин һәм Тимур Билялов өчен борчыла, дип хәбәр итә клуб матбугат хезмәте.

"Ак Барс"ның баш тренеры һәм капкачысы Гайшә апага кунакка килгәннәр һәм клубтан бүләкләр тапшырганнар. 29 октябрьдә Гайшә Солтанова туган көнен билгеләп үткән.

Фото: t.me/hc_akbars