Рөстәм Миңнеханов коляскалы баскетбол буенча югары уңышларга ирешкән "Барс канатлары" командасы белән очрашты

Ике тапкыр Россия чемпионы һәм 9 тапкыр ил кубогы ияләре. Рөстәм Миңнеханов коляскалы баскетбол буенча югары уңышларга ирешкән "Барс канатлары" командасы белән очрашты. 

Бер атна элек спортчылар Казанга зур җиңү белән кайтты. Кабат Россия чемпионнары булдылар. Рәис бүген аларның спорт кына түгел, тормыштагы батырлыкларын да бәяләп, алтын медальләрнең никадәр әһәмиятле булуын билгеләп үтте. Һәм якын киләчәктә алар өчен яңа махсуслашкан үзәк төзеләчәген җиткерде. 

Анда күнегүләр үткәрергә дә, ярышлардан соң ял итәргә дә мөмкин булачак.