«КАМАЗ-мастер» Кытайдагы җиңүдән соң туган якка кайтты

Меңләгән чакрым комлык, таулы юллар һәм иң катлаулы махсус участоклар артта калды. Җиңүчеләрне туган якта каршы алдылар.

«КАМАЗ-мастер» командасы Кытайда узган «Такла-Макан» халыкара ралли-марафонындагы җиңүдән соң Яр Чаллыга кайтты. «Зәңгәр Армада» өчен бу старт дебют иде. Һәм икеләтә уңыш: алтын һәм көмеш сыннар безнекеләрдә.

Бегиш аэропортында экипажларны туганнары, дуслары, җанатарлар һәм безнең иҗат төркеме каршы алды.