Казанда «Көнчыгыш Кубогы»нда җиңүчеләрне Рөстәм Миңнеханов котлады

Бүген Казанда "Көнчыгыш Кубогы"ның ябылу тантанасы узды. Футбол буенча балалар арасындагы бу Халыкара ярышны Татарстан 3нче тапкыр оештыра. Катнашучыларны Рөстәм Миңнеханов котларга килде.

Быел турнир Казанда 7 илдән 12 команданы кабул итте. Беренче тапкыр Төркия һәм Белоруссиядән дә яшь спортчылар көч сынаша. Татарстан аларның барысын коеп яуган яңгыр белән озатты. Әмма бу ярышларны тагын да истә калырлык итте, диләр. Футбол кырыннан - безнең репортаж.