Күчмә халыклар уеннарында катнашкан Татарстан спортчылары Казанга кайтты

Бишкәктә - Күчмә халыклар уеннарында катнашкан Татарстан спортчылары Казанга кайтты. Россия җыелма командасы яулаган 7 алтын медальнең 5се безнең республика вәкилләрендә. Көрәштә һәм армрестлингта аларга тиңнәр булмый.

Әлеге спорт төрләрендәге казанышлар белән бергә Татарстан киләсе уеннарны Казанда уздыру хокукын да яулады. Якын киләчәктә аны үткәрү буенча оештыру комитеты төзелеп, эшче төркемнәр булдырылачак. Концепциясе төзелеп, программасы билгеләнергә тиеш. Бу хакта спорт министры хәбәр итте. Алда зур һәм җаваплы эш көтә. Быелгы җиңүчеләрне каршы алу мизгелләре безнең репортажда.