Республика көне алдыннан СВОда булган хәрбиләргә дәүләт бүләкләре тапшырылды

Татарстан Республикасы көне алдыннан алгы сызыкта 430 мотоукчылар полкы һәм 621 артиллерия дивизионы хәрбиләренә республика дәүләт бүләкләре тапшырдылар. Бу хакта Татарстан Рәисе Рөстәм Миңнеханов телеграм каналында хәбәр итә.

"Хәрби бурычны үтәгәндә күрсәткән батырлыклары өчен егетләребезгә рәхмәт. Горурланабыз!" , -дип яза Татарстан лидеры.

Исегезгә төшерәбез, Татарстанда 1 августан РФ Оборона министрлыгы белән контракт төзегән гражданнар 1 миллион 705 мең сумга кадәр түләүләр алачак. Тулырак мәгълүмат өчен телефон: 8 (800) 222-59-00 һәм heroes-tatarstan.ru сайтында.

Фото: t.me/rustamminnikhanov