Татарстан волонтерлары СВОга җибәрергә окоп шәмнәре һәм җылы киемнәр әзерли

Яр Чаллыда 38нче комплекс волонтерлары СВО зонасына окоп шәмнәре һәм җылы киемнәр җибәрергә әзерлиләр. Бу хакта «Татар-информ» хәбәр итә.

Барлык бурычлар бүленгән: волонтерларның бер өлеше булачак окоп шәмнәре өчен банкалар әзерли, парафин ваклый, аны чәйнектә җылыта, икенчеләр исә катыргы кисә, филтә ясый һәм савытларга сала. Шулай ук активистлар хәрбиләр өчен җылы оекбашлар бәйлиләр.

 Исегезгә төшерәбез, 2 сентябрьдән Татарстанда Оборона министрлыгы белән контракт төзүчеләр берьюлы 2 миллион сумга кадәр акча алачаклар. Тулырак мәгълүмат 8 (800) 222-59-00 телефоны аша һәм heroes-tatarstan.ru сайтында.

 Фото: Лилия Гатина / tatar-inform.ru