Арча районыннан хатын-кызлар махсус хәрби операциягә дүртенче тапкыр ярдәм илткән

Арча районы Ташкичү авылыннан активистлар Гөлфия Мәгъсүмова һәм Тәнзилә Вәлиева дүртенче тапкыр махсус хәрби операция зонасында булганнар. Алар хәрбиләргә шефлык ярдәме тапшырды, дип яза "Татар-информ".

Хатын-кызлар хәрбиләр сораган бөтен кирәк-яракларны алып килергә тырышалар. Аерым алганда, маскировка челтәрләре, шәмнәр, җылы кием, азык-төлек һәм өйдә пешерелгән ризыклар. Волонтерлар шулай ук авыл халкы җыйган ярдәмне дә китерәләр.

Исегезгә төшерәбез, 2 сентябрьдән Татарстанда Оборона министрлыгы белән контракт төзүчеләр берьюлы 2 миллион сумга кадәр акча алачаклар. Тулырак мәгълүмат 8 (800) 222-59-00 телефоны аша һәм heroes-tatarstan.ru сайтында.

Фото: tatar-inform.ru