Түбән Кама Җәмигъ мәчетендә махсус хәрби операциядә якыннарын югалткан гаиләләр белән очрашу узды

Түбән Кама Җәмигъ мәчетендә махсус хәрби операциядә якыннарын югалткан гаиләләр белән очрашу узган. Әлеге чарада милләтенә һәм диненә бәйсез рәвештә 40тан артык кеше – тол хатыннар, солдатларның әти-әниләре һәм балалары катнашкан. Очрашуны Татарстан мөфтиятенең Түбән Кама мөхтәсибәте оештырды, дип хәбәр итә Татарстан Диния нәзарәте матбугат хезмәте.

Очрашу кысаларында Коръән-хафиз Хәлил хәзрәт Хәйбрахманов Коръән аятьләре укыган, аннары Түбән Кама мөхтәсибәтендә гуманитар ярдәм җыю өчен җаваплы булган Габделхәким хәзрәт Яруллин дога кыла.

Имам-мөхтәсиб якыннарын югалтучыларның тәкъдим-теләкләрен тыңлаган. Түбән Кама мөхтәсибәте әлеге очрашуларны алга таба да үткәрергә ниятли.

Фото: dumrt.ru, Түбән Кама мөхтәсибәте матбугат хезмәте