Әлмәттә СВОда катнашучы хәрбиләрнең гаиләләрен балалары туу белән котладылар

Яңа ел бәйрәмнәре алдыннан Әлмәт районы башкарма комитеты җитәкчесе Гүзәл Хәбетдинова хәрбиләрнең өч гаиләсен балалары тууы белән котлаган. Бу хакта "Әлмәт таңнары" газетасы җиткерә.

Гүзәл Хәбетдинова барлык гаиләләргә дә чын күңелдән сәламәтлек, бәхет һәм иминлек теләде. Бу гаиләләрнең икесе өчен сабыйлары беренче бала, ә берсе өчен өченчесе.

Очрашу вакытында вакытлыча ялга кайткан хәрби белән дә күрешеп булган. Муниципалитет исеменнән район башкарма комитеты җитәкчесе һәр гаиләгә балалар товарлары сатып алу өчен сертификат, шулай ук балалар өчен татлы бүләкләр тапшыра.

Фото: Әлмәт муниципаль районы башлыгы матбугат хезмәте