РКБ табиблары СВОдан кайткан хәрбигә катлаулы операция ясаганнар

Республика клиник хастаханәсе белгечләре СВОда катнашкан хәрбинең битеннән снаряд кыйпылчыгын алган. Бу - бик катлаулы операция. Чөнки тимерне чыгарганда биттәге нерв күзәнәгенә зыян салу ихтималы зур була. 

Казан табиблары кулына килеп эләккәнче Андрей Кудряшёв өч госпиталь алыштыра. Луганский, Ростов, Санкт-Петербург. Питерда баш сөягенә операция ясаганнар ясавын, әмма кыйпылчыкны алырга җөрьят итмиләр.

 Һөҗүмгә эләккәннән соң, Андрейның йөзенә, колагына, күзләренә зыян килгән. Татарстан хирургларының катлаулы хезмәте турында Лиана Бәхтиева материалында.