Кукмарада яшәүчеләр СВО хәрбиләренә токмач басалар

Татарстанның Кукмара районында яшәүче хатын-кызлар хәрбиләргә токмач басалар. Бу хакта районның "Хезмәт даны" басмасы хәбәр итә.

"Без махсус операция хәрбиләренә ярдәм итү акцияләрендә беренче тапкыр гына катнашмыйбыз, көчебездән килгәнчә моны даими эшләргә тырышабыз", - дип уртаклаша ярдәм итүче апаларның берсе.

Моннан тыш, хәрбиләргә 10 тартма гуманитар ярдәм җыйганнар. Бу посылкаларда җылы оекбашлардан һәм чәйдән алып тәм-томнарга, кофе һәм перчаткаларга кадәр кирәк-ярак кергән.

Фото: kukmor-rt.ru