Чирмешән районы башлыгы СВО зонасына барган

Чирмешән халкы махсус хәрби операциядәге якташларына чираттагы гуманитар ярдәмне озатты. Район башлыгы Рамил Айбатов та юлга кузгалган. Бу аның махсус хәрби операция зонасына өченче барышы, дип хәбәр итә "Безнең Чирмешән" район басмасы.

Көндәлек кирәк-яраклар, азык-төлек, масировкалау челтәрләре, генераторлар, бензин пычкылары, шәхси гигиена әйберләре белән тутырылган Газель Донецкка юл тоткан. Шулай ук махсус хәрби операция зонасына егетләр сораган ноутбуклар, принтерлар, рацияләр, антеналар да алып барылган. Әлеге ярдәм район халкыннан җыелган акчаларга сатып алынган.

Егетләргә 23 февральгә, бәйрәм уңаеннан, атаулы аерым «посылкалар» да бар.

Фото: nashcheremshan.ru