Яр Чаллыдагы ветераннар госпиталендә СВОда катнашучыларга медицина ярдәме күрсәтү мөмкинлеге арта

Яр Чаллыдагы ветераннар госпиталендә СВОда катнашучыларга һәм аларның гаиләләренә медицина ярдәме күрсәтү мөмкинлеге арта.

Биредә Санкт-Петербургның алдынгы клиникасы белән хезмәттәшлек турында килешү төзелде. Аның нигезендә тернәкләндерү буенча тәҗрибә алмашу һәм заманча технологияләр куллану шартлары булдырыла.

Медицина учреждениясе бөтен Кама аръягы төбәгенә хезмәт күрсәтә. Биредә СВОда катнашкан 2 меңнән артык кеше дәваланып чыккан инде. Яңа мөмкинлекләр хакында Яр Чаллы мэры белән очрашып сөйләштеләр.