Наил Мәһдиев гуманитар миссия белән СВО зонасында булды

Аппарат киңәшмәсендә Яр Чаллы башлыгы Наил Мәһдиев узган атнада махсус хәрби операция зонасына булып кайтуы турында хәбәр иткән. Ул халыктан җыелган гуманитар ярдәмне илткән.

"Без үзебезнең хәрби хезмәткәрләргә даими ярдәм күрсәтүне һәрвакыт үз бурычыбыз дип саныйбыз һәм санадык. Алар исеменнән шәһәр халкына хәрби частьләргә даими ярдәм иткәннәре өчен рәхмәт белдерәсем килә. Бу җитди финанс ресурслары", - дип ассызыклый Мәһдиев.

Ул билгеләп үткәнчә, хәрбиләргә төрле техника, махсус приборлар, автомобильләр һәм мотоцикллар тапшырганнар.

Фото: t.me/nail_magdeev