Рөстәм Миңнеханов алгы сызыкта Татарстан хәрбиләрен бүләкләү видеосын урнаштырды

Алгы сызыкта махсус хәрби операциядә катнашучы Татарстан хәрбиләрен бүләкләү тантанасы узды. Бу хакта Татарстан Рәисе Рөстәм Миңнеханов үзенең телеграм каналында хәбәр итте.

"Хәрби бурычларны үтәгәндә батырлык күрсәткән хәрби хезмәткәрләребез лаеклы бүләкләр алды. Сезнең белән горурланабыз, геройлар! Тантанадан соң Татарстан артистлары якташларына бәйрәм концерты бүләк итте. Рәхмәт, егетләр! Сезнең кебек батырлар булганда, Җиңү безнеке!", - дип язды Татарстан лидеры.