Актаныш районында СВОда катнашучыларга ярдәмгә спектакль куйдылар

Актаныш районында СВОда катнашучыларга ярдәмгә хәйрия спектакле узды. Бу хакта “Татар-информ” хәбәр итә.

Әлфия Авзалова исемендәге район мәдәният йорты сәхнәсендә Такталачык авыл җирлеге иҗат төркеме Хәбир Ибраһимовның “Нәфигә ханым” комедиясен тәкъдим иткән.

Билетлар сатудан кергән барлык акча — 15 000 сум — оештыручылар тарафыннан хәрби хезмәткәрләргә ярдәм фондына юнәлдерелгән.

Фото: Ләйсән Газизова / tatar-inform.ru