Актаныш районыннан махсус операциядә катнашучы хәрби "Батырлык өчен" медале белән бүләкләнде

Татарстанның Актаныш районыннан СВО катнашучысы Нияз Нуруллинны "Батырлык өчен" медале белән бүләкләделәр. Бу хакта "Татар-информ" хәбәр итә.

Егет 29656нчы хәрби частьтә, 1232нче полкта хезмәт итә. Күптән түгел ул госпитальдән чыккан, анда аңа аягына катлаулы операция ясаганнар. Хәзер Нуруллин тернәкләндерүне дәвам итә.

Исегезгә төшерәбез, Татарстанда контрактчыларга бер тапкыр бирелә торган түләү 2,9 млн сум тәшкил итә. Карарны ТР Рәисе Рөстәм Миңнеханов кабул итте.

Фото: Лилия Гикрамина / tatar-inform.ru