Илмира Нәгыймова «Фронтка ярдәм өчен» медале белән бүләкләнде

Татар эстрадасы җырчысы Илмира Нәгыймова социаль челтәрләрендә СВО зонасына хәрбиләр соравы буенча җибәрелгән автомобильнең билгеләнгән урынга барып җитүе турында хәбәр итте.

«Без моны бергәләп эшләдек. Машина тиешле урынга барып җитте, тиздән видеосын да урнаштырырбыз», — дип язды җырчы.

Моннан тыш, артистка үзенә тапшырылган «Фронтка ярдәм өчен» медале фотосын да бастырды.

Исегезгә төшерәбез, 2025 елның октябрендә Илмира Нәгыймованың энекәше Айнур СВО зонасында һәлак булды. Ул анда ирекле рәвештә киткән иде.



Фото: ТНВ, соцсети Ильмиры Нагимовой