Актаныш районы волонтерлары хәрбиләргә чираттагы ярдәм әзерләгәннәр

Актаныш районында махсус хәрби операциядә катнашучылар өчен гуманитар ярдәм җыю дәвам итә. «Актаныш хәрәкәте» волонтерлары Курск һәм Белгород өлкәләрендәге хәрбиләргә чираттагы йөкне җибәрергә әзерләнә.

Төп мәйданчыкларның берсе — Балалар иҗаты үзәге. Анда көн саен маскировка челтәрләре үрәләр, бу эшкә «Алтынчәч» балалар бакчасында тәрбияләнүчеләр һәм социаль яклау бүлеге хезмәткәрләре дә кушылган.

Авыл җирлекләрендә дә халык саклагыч өслекләр ясауда актив катнаша, дип яза "Татар-информ".

Фото: Лейсан Газизова / tatar-inform.ru