Яңа Чишмә районы халкы хәрбиләргә 6 тоннадан артык гуманитар ярдәм җибәргән

Татарстанның Яңа Чишмә районы халкы махсус хәрби операциядә катнашучыларга 6 тоннадан артык гуманитар ярдәм җибәргән. Бу хакта район башлыгы Егор Тарнавский хәбәр итте.

Хезмәт коллективлары, волонтерлар, мәктәп укучылары һәм якташлар хәрбиләр өчен азык-төлек, җылы киемнәр, гигиена чаралары, төзелеш материаллары, генераторлар, запчастьлар һәм шәхси посылкалар тапшырган.

Волонтерлар посылкаларны Донецк һәм Луганск халык республикаларындагы, шулай ук Запорожье өлкәсендәге хәрбиләргә шәхсән илтеп тапшырачак.

Фото: vk.ru/egor_tarnavskii