Язучы, профессор һәм бакчачы Фарсель Зыятдинов вафат булган

Профессор, академик, язучы, экономист, агроном, Татарстанның атказанган мәдәният хезмәткәре, Татарстанның атказанган фән эшлеклесе, тәрҗемәче һәм атаклы бакчачы Фарсель Зыятдинов вафат булды. Бу хакта аның хатыны Венера ханым "Татар-информ" мәгълүмат агентлыгына хәбәр итте.

21 июнь көнне Фарсель Зыятдиновка инсульт булган, ул Республика клиник хастаханәсенә эләккән.

Фарсель Зыятдинов белән хушлашу иртәгә өйлә намазыннан соң «Мәрҗани» мәчетендә узачак.

Фарсель Зыятдинов ТНВның күп кенә тапшыруларында белгеч буларак катнашты. Якыннарының кайгысы белән уртаклашабыз.

Фото: ТНВ