Казанда Габдулла Тукайның тормыш юлы буенча туристик маршрут төзелгән

Казанда Иске Татар бистәсе буенча "Тукай тормышы" дигән яңа туристик маршрут эшли башлады, дип хәбәр итә "Реальное время".
Экскурсияләр татар һәм рус телләрендә узачак. Маршрут татар шагыйре белән бәйле урамнар һәм истәлекле урыннар буенча салынган. Беренче экскурсия 30 августта узачак.

Әлеге проектның башында "Старый город" префектурасы һәм "Историческая среда" МБУ тора. Алдан язылу таләп ителә. Экскурсиягә +7(904)-714-32-51 телефоны аша язылырга мөмкин.

Фото: ТНВ