Фәнис Яруллин яшәгән йорт диварында шагыйрьгә истәлек тактасын ачтылар

«Көчле рухлылар гына максатларына ирешә ала. Түземнәр генә бәхеткә лаек!» дип язган Татарстанның халык шагыйре Фәнис Яруллин.

Татарстан Президенты Аппараты җитәкчесе Әсгать Сәфәров башлангычы белән бүген Казанның Жуковский урамында, Фәнис Яруллин яшәгән йорт диварында шагыйрьгә истәлек тактасын ачтылар. Тулырак — Айгөл Бәдретдинова.

Сынчы Фәнил Вәлиуллин да Фәнис Яруллинны көчле шәхес буларак тасвирлый. 46 китап авторы, Дуслык ордены иясе, Муса Җәлил һәм Габдулла Тукай премияләре лауреаты. 2001нче елда Минтимер Шәймиев указы белән аңа халык шагыйре исемен бирәләр. Мемориаль такта ачу тәкъдиме белән Татарстан Президенты Аппараты җитәкчесе Әсгать Сәфәров чыга.