Республикада "Мин - татар баласы" дип аталган конкурс үтте

Милли үзаң бала чактан ук тәрбияләнсен! Шундый шигарь астында республикада «Мин — татар баласы» дип аталган конкурс үтте.

Аңа 300дән артык рәсем һәм кул эше килгән. Алар татар халык авыз иҗатына нигезләнеп ясала. Иҗади бәйгене Татарстан Президенты каршындагы Татар телен саклау һәм үстерү мәсьәләләре комиссиясе ярдәме белән «Шаян ТВ» каналы оештыра. Бүген конкурсның җиңүчеләрен игълан иттеләр.

Габдулла Тукай әкиятләрен яратып кына калмыйча, аларны үсеп җиткәч үз балаларына да сөйлиячәк яшләр турында — Динә Хисаметдинова.