Иртәгә Татарстанда -7 градуска кадәр суытачак

10 ноябрьдә Татарстан җирлегендә аязучан болытлы һава көтелә. Төнлә һәм иртән яңгыр, юеш кар явачак, кайбер районнарда кыска вакытлы буран көтелә. Бу хакта ТР Гидрометеорология үзәге синоптиклары кисәтте.

Төнлә республика җирлегендә термометр баганалары -2..-7 градус билгесенә төшәчәк. Көндезге сәгатьләрдә 0..-4 градуска кадәр җылыначак.

Казанда 10 ноябрьгә каршы төндә һава температурасы -2..-4 градуска кадәр төшәчәк. Көндез максималь һава температурасы -0..-2 градус булачак.

Фото: pixabay.com