Татар милли хәрәкәте активисты Илдус Садыйк вафат булган

Кичә, татар милли хәрәкәте активисты Илдус Садыйк вафат булаган. Бу хакта җырчы, музыкант Рамил Хәйретдинов инстаграм аккаунтында хәбәр итә.

"25 ноябрь, хөрмәтле Илдус абыебыз Садыйк вафат булды. 20 ел элек беренче президентыбыз Минтимер Шәймиев белән татар балаларына Казанда милли-дини үзәк ачып, бик күп милләтпәрвар егетләр, дистәләгән мөфти, йөзләгән хәзрәтләрне балачактан ук тәрбияләп үстергән халкыбызның бөек шәхесе иде ул. Аллаһ Тәгалә оҗмахларына кавыштырсын", дип яза ул.

Илдүс Садыйк улы белән хушлашу җомга көнне, ягъни бүген, 13:00 сәгатьтә узачак. Татар зиратында җеназа намазы һәм дәфен йоласы уздырылачак.