Иннополиста пилотсыз таксилар татарча сөйләшә башлаган

Татар телендә сөйләшүче пилотсыз таксины Татарстан Иннополисында видеога төшергәннәр. Бу хәлнең Туган тел көнендә булуы да символик мәгънәгә ия.

«Ә Иннополиста пилотсыз такси татарча сөйләшә. «Ничек сиңа бу, Илон? (Как тебе такое, Илон?), — дип шәрехли видео авторы.

Исегезгә төшерәбез, бүген, 26 апрельдә, Туган тел көне һәм Габдулла Тукайның тууына 136 ел тулу билгеләп үтелә.

ТНВ каналы Татарстан Республикасының Габдулла Тукай исемендәге Дәүләт бүләген тапшыру тантанасын туры трансляциядә күрсәтте. Быел Дәүләт премиясен ике генә кешегә - язучы Ләбиб Лерон һәм рәссам Анатолий Егоровка бирелде.