Казан Кремле янында Муса Җәлил һәм аның көрәштәшләрен искә алдылар

Аның шигырьләрендә көч тә, ялкын да, киләчәккә өмет һәм җиңүгә ышаныч та бар. Шуңа күрә алар турындагы истәлекләр бүгенгә кадәр безнең йөрәктә яши. 

25 август - Муса Җәлил һәм аның көрәштәшләрен искә алу көне иде. 80 ел элек алар берлинның Плётцензее төрмәсендә җәзалап үтерелгән. Татарстан, гомумән ил тарихында бу - үзенчәлекле дата. Ул бер үк вакытта фаҗигале һәм зур тәрбияви әһәмияткә ия. Казан Кремле янында узган хәтер митингыннан Илдар Сафиуллин репортажы.