Татарстан Рәисе Рөстәм Миңнеханов эш сәфәре белән Түбән Камада булды

Кичә Татарстан Рәисе Рөстәм Миңнеханов эш сәфәре белән Түбән Камада булды. Биредә ул районның яңа уку елына әзерлеген тикшерә.

Быел шәһәрдә берничә мәгариф учреждениесе төзекләндерелгән. Рөстәм Миңнеханов Түбән Каманың халык өчен көннән-көн уңайлырак булуына игътибар итте. Шәһәр — республикада төп сәнәгать үзәкләренең берсе. Шуңа мәктәп укучылары, студентларның белем алу шартларын яхшыртудан тыш, монда белгечләр әзерләүдә яңа алымнар кулланалар.

Заводларга нинди белгечләр җитми — шуларга өстенлек биреп укытачаклар. Түбән Камадан Рүзәл Шәрипов репортажы.