Фән Вәлиәхмәтов белән хушлашу

Кичә мәшһүр тальянчы, җырчы, Башкортстан һәм Татарстанның халык артисты Фән Вәлиәхмәтовны соңгы юлга озаттылар. Ул ялларда 73 яшендә арабыздан китеп барды. Хушлашу мәрәсиме туган ягында -  Башкортстанның Шаран районында узды. 

Татарстан Рәисе Рөстәм Миңнеханов, Дәүләт Киңәшчесе Минтимер Шәймиев, Премьер-министры урынбасары Васыйл Шәйхразыевлар якыннарына кайгы уртаклашу сүзләрен юллаган. 

Халыкчанлыгы белән тамашачы күңелен яулаган артист турында истәлекләр киләсе репортажда.