Герой-шагыйрь Муса Җәлилне данлап һәйкәлләр ачтылар

Татар халкының үз милли геройлары бар. Аларны бөтен дөньядагы милләттәшләребез белә, горурлана, онытмый. Шундый шәхесләребезнең берсе - Герой-шагыйрь Муса Җәлил.

Ул язган "Моабит дәфтәрләре" 60 телгә тәрҗемә ителгән. Аның кылган батырлыгы яшьләр күңелендә саклансын өчен - Советлар Союзы Героена багышлап бюстлар ачыла.

Бәйрәм алдыннан гына сыннарны Курган һәм Чиләбе өлкәләрендә урнаштырдылар. Моңа кадәр тантаналар Кыргызстанның Бишкәк, узган ел Казахстанның Сәмәй шәһәрендә узган иде. Курган белән Чиләбедән - Инзилә Хөсәенова.