Каюм Насыйриның тууына 200 ел тулуга багышланган яңа китап дөнья күрде

Күренекле татар галиме - Каюм Насыйриның тууына 200 ел тулуга багышланган яңа китап дөнья күрде. Ул аның турындагы беренче шундый энциклопедия.

Анда Каюм Насыйри хакында билгеле мәгълүмат белән бергә, әле беркайда да басылмаган уникаль документлар, фоторәсемнәр урын алган.

Китапны татар энциклопедиясе һәм төбәкне өйрәнү институты галимнәре әзерләгән. Аны матбугат очрашуында тәкъдим иттеләр.