Владивостокта Советлар Союзы Герое Гыйльфан Батыршинга хәтер тактасы ачылды

Татар дөньясы өчен истәлекле вакыйга. Кичә Владивостокта Советлар Союзы Герое Гыйльфан Батыршинга хәтер тактасы ачылды. 

Ул Герой исеменә лаек булган беренче татар егете һәм чик сакчысы. Тантанага турыдан-туры элемтә аша Казан һәм ЛНРдан кушылдылар. 

Бездә башкаланың Батыршин урамында 20 ел элек аңа багышланган мемориал ачылган була. Бүген шунда җыелдылар. Бу тантананың 28нче майда узуында да мәгънә бар - чик сакчылары көне билгеләп үтелә. Өч төбәкне берләштергән язмыш хакында - Рүзәл Шәрипов.