Салих Сәйдәшевка — 125 ел: татар музыкасына нигез салган бөек композиторны искә алдылар | Адымнар

Шигрияттә -Тукай,

Музыкада - Сәйдәш,

Сәхнәләрдә - Илһам Шакиров.



Син аларны, син аларны тыңла.

Ваклыклардан әгәр ялыксаң.

Яшәүләре - бик тә гади, тыйнак.

Сәнгатьләре - бөек, халыкчан.


Күренекле шәхесләребез турында Гәрәй Рәхим шулай дип язган. Бүген сүзебез композитор Салих Сәйдәшев турында. 3нче декабрьдә аның тууына 125 ел булды. Милләтебезнең йөзек кашы, татар халкының профессиональ музыкасына нигез салучыларның берсе. Авыр язмышлы, киң күңелле, гаять тырыш һәм талантлы. Бер әсәре белән генә дә музыка тарихына керә алырлык шәхес.