Танылган композитор Азат Хөсәеновны соңгы юлга озату - репортаж

Татар җәмәгатьчелеге - танылган композитор, талантлы музыкант һәм гаҗәеп шәхес - Азат Хөсәеновны соңгы юлга озатты. Ул язган көйләр - радио-телевидениедә дә, театр сәхнәсендә дә, концертларда да яңгырый.

Иҗаты - гадилеге, ихласлыгы һәм халыкчанлыгы белән аерылып тора. Азат Хөсәенов - 500ләп җыр авторы, 70 спектакльне - профессиональ музыка белән баеткан кеше. "Айкала суларыгыз", "Бичура", "Бер күрешү - бер гомер" кебек җырлар - һәр татарның күңелендә яши.

 Азат Хөсәеновны бүген Киндери зиратында җирләделәр.