Корбан гаете бәйрәменнән туры трансляция

Җомга, 31 июль көнне, “Татарстан-Яңа Гасыр” телеканалы Корбан гаете бәйрәменнән туры трансляция оештыра. Ул Казан үзәгендә урнашкан Галиев мәчетеннән алып барылачак. Бәйрәм чарасы телеканалда 03:30 сәгатьтә башланып китәчәк. Тамашачылар Татарстан Республикасы мөселманнарының Диния нәзарәте рәисе, мөфти Камил хәзрәт Сәмигуллинның вәгазен, бәйрәм намазын карый алачак. Трансляция «ТНВ Татарстан» каналында 15.05 сәгатьтә, «ТНВ Планета» каналында 12.20 сәгатьтә кабатлап күрсәтелә. Корбан гаете мөбарәк булсын!