Теш белән гер күтәрү, чыбыркы шартлату - Олы Ачасыр авылы көненнән мизгелләр

19 июнь Яшел Үзән районы Олы Ачасыр авыл көненә килгән кунаклар бик күркәм һәм төрле бәйгеләргә бай бәйрәм программасы карап, канәгать булып кайтып китәләр.

Бәйрәмдә катнашучылар аркан да тартышалар, катыктан акча да эзлиләр, чүлмәк тә ваталар, чыбыркы да шартлаталар. Ә иң истә калганы - теш белән кабып, гер күтәрү.

"Мондый бәйрәмне зарыгып көттек, узган ел да булмады бит", ди авыл халкы. Бәйрәмгә Татарстанның атказанган артисты Ришат Төхвәтуллин да килә.