Казанга Милләт җыенына 70 төбәктән 500 татар киләчәк

23 сентябрь көнне Казанга Милләт җыенына 70 төбәктән 500 татар киләчәк. Чит илдә яшәүче милләттәшләребез чарага видеоэлемтә аша кушылачак.

Җыенның программасын кичә матбугат очрашуында иглан иттеләр. Милли Шура утырышыннан тыш, "Татар кызы", Җәлил укулары", "Әйдә ШаяРТ" кебек проектларны тәкъдим итәчәкләр. Шулай ук "Исәнмесез?" фильмын карау мөмкинлеге булачак.

24 сентябрьдә "Милләт Җыены"ның пленар утырышы узачак, биредә Татарстан Республикасы Президенты Рөстәм Миңнехановның катнашуы да көтелә.