Америка татарлары берничә штаттан Сабантуйга җыелган

Бүген АКШның Флорида штатының Тампа шәһәрендә татарлар кечкенә генә Сабантуйга җыелган. Бу хакта үзенең Инстаграм аккаунтында Сабантуй оештыручыларның берсе Ленар Мөхәммәдиев хәбәр итә.

Татарлар милли уеннар уйнаган, милли ашлар ашаган. Ленар билгеләп үткәнчә, һава торышы да яхшы булган, җил-яңгырлар комачауламаган. Ленар тумышы белән Балтач районыннан.

Биредә Тампадан гына түгел, ә Орландо, Джексонвилл, Сарасота һәм башка шәһәрләрдән дә татарлар җыелган.

Фото: american_tatar_story