Балтачта бәлеш пешерү буенча рекорд куелды

Татарстанның Балтач районында иң зур бәлеш пешерергә җыеналар, дип язган идек. Менә, кичә, балтачлылар һәм район кунаклары әлеге бәлештән авыз иттеләр.

Бәлеш эчлегенә 20 килограмм ит, 5 килограмм суган, 34 килограмм борай, 5 килограмм сыер мае кулланылган. Камыры 10 килограмм онга басылган булган.

«Бәлеш бик тәмле булды, барлык килгән кунаклар да сыйландылар», — дип сөйләде ТНВ хәбәрчесенә бәйрәм кунакларының берсе Рүзәл Мөхәммәдиев.

Балтачта Яшьләр көнен бик зурлап уздырдылар. Биредә бәлеш пешерү буенча рекордтан тыш, татар эстрадасы артистлары да чыгыш ясады.


Фото: t.me/baltasi