КФУ бинасында «Татарча диктант» акциясе «Туган тел» җыры белән тәмамланган

КФУның филология һәм мәдәниятара багланышлар институтында «Татарча диктант»ны язып бетергәннән соң, катнашучылар басып «Туган тел» җырын башкарган.

"Татар-информ" мәгълүмат агетлыгы «Туган тел»не җырларга Бөтендөнья татар яшьләре форумы рәисе Ленария Мөслимова тәкъдим итте дип яза. Ул моны күпьеллык традиция дип атаган.

Исегезгә төшерәбез, бүген "Татарча диктант" акциясе башланып китте. Ул 25,26,27 ноябрь көннәрендә бара. Татар телен белү дәрәҗәсенә һәм яшәгән төбәккә карап, диктант язучыларга өч текст тәкъдим ителә. ТНВ каналы диктантны туры эфирда күрсәтте. Аны биредә карый аласыз.