Татарларны берләштерде - "Татарча диктант"

Узган атнада бар татар дөньясы татарча диктант язды. Инде икенче ел рәттән әлеге акция 3 көн дәвамында оештырыла. ТНВ тамашачылары әлеге диктантны онлайн яздылар.

"Татарча диктант"ның үзенә бер көче бар. Ул милләттәшләребезне әнә шундый яңа форматта берләштерә. Бер яктан, диктант - туган телдә хатасыз язарга өйрәтә, әдәби телне кулланучылар даирәсен арттыра. Икенчедән, ул катнашучы һәркемне шул сәгатьтә зур милләтнең бер вәкиле итеп тоярга мөмкинлек бирә.